Kuri iki cyumweru, tariki ya 1 Ukuboza 2024, Umwepiskopi mushya wa Diyosezi ya Cyangugu mu Itorero ry’Abangilikani mu Rwanda, Rev Muhutu Nathan yimitswe, nyuma yo kugenwa asimbuye Rev Francis Karemera wagiye mu kiruhuko cy’izabukuru.
Ibi birori byabereye mu karere ka Rusizi byitabirwa n’abayobozi mu nzego zitandukanye, barimo Minisitiri w’Ubutegetsi bw’Igihugu, Dr Mugenzi Patrice, Guverineri w’Intara y’Iburengerazuba, Ntibitura Jean Bosco, abahagarariye Kiliziya Gatolika nandi matorero.
Tariki ya 29 Gicurasi uyu mwaka, nibwo ubuyobozi bw’itorero ry’Abangilikani mu Rwanda bwagennye Rev.Muhutu Nathan kuyobora Dioseze ya Cyangugu, asimbuye Rev Francis Karemera wari ugiye mu kiruhuko cy’izabukuru.
Rev.Nathan Muhutu yari asanzwe akorera ku cyicaro gikuru cy’Itorero Angilikani ry’u Rwanda (EAR Headquarter), yashyize kuri uyu mwanya ahigitse Rev.Mahirwe Obadias bari bahanganye.
