Mu Ngoro y’Inteko Ishinga Amategeko, hari kubera umuhango wo guherekeza Amb Col (Rtd) Dr. Joseph Karemera uherutse kwitaba Imana.
Amb Col (Rtd) Dr. Karemera yatabarutse tariki 11 Ukwakira 2024. Akaba yarakoze imirimo itandukanye mu nzego zitandukanye z’Igihugu ndetse yabaye Minisitiri w’Ubuzima n’Uburezi nyuma ya Jenoside yakorewe Abatutsi mu 1994.
Umuhango wo kumuherekeza uri kuba kuri uyu wa gatatu tariki ya 16 Ukwakira 2024, mu Ngoro y’Inteko Ishinga Amategeko, ukaba witabiriwe n’abayobozi batandukanye mu nzego nkuru z’Igihugu, abahagarariye inzego z’umutekano, abakoranye nawe ndetse n’abo mu muryango we.
Biteganyijwe kandi ko uyu muhango uri bwitabirwe na Perezida Paul Kagame na Madamu Jeannette Kagame.
