Minisiteri w’Ubumwe bw’Abanyarwanda n’Inshingano Mboneragihugu, yatangaje ko mu bushakashatsi bakoze ku gipimo cy’Ubumwe , bugaragaza ko 95% bemera ko abafunzwe bazira icyaha cya jenoside yakorewe Abatusi bakarangiza ibihano, bisanga mu muryango nyarwanda nta kubishisha.
Minisiteri y’Ubumwe bw’Abanyarwanda n’Inshingano Mboneragihugu yagaragje ko muri 2010, igipimo cyari 82,3%, 2015 cyari kigeze kuri 92,5%, 2020 cyageraga kuri 94,7%. Ubumwe n’Ubwiyunge bw’Abanyarwanda bwiyongereyeho 13%.
Muri ubwo bushakashatsi, Intara y’Iburasirazuba iza ku isonga mu kubahiriza Ubumwe n’Ubwiyunge ku gipimo cya 97%.
Intara y’Amajyaruguru niyo iza ku mwanya wa kabiri n’amanota 95.5%. Intara y’Amajyepfo iri ku mwanya wa gatatu n’amanota 95.4%, Intara y’Iburengerazuba ifite amanota 94.9%.
Umujyi wa Kigali uza ku mwanya wa nyuma n’amanota 93.7%.
Minisiteri w’Ubumwe bw’Abanyarwanda n’Inshingano Mboneragihugu ,ivuga ko mu bushakashatsi bakoze , basanze 95% bemera ko abafunzwe bazira icyaha cya jenoside yakorewe Abatusi bakarangiza ibihano, bisanga mu muryango nyarwanda nta kubishisha.
Ubwo bushakashasti bugaragaza ko 95% bemeje ko amakuru kuri Jenoside yakorewe Abatutsi yatanzwe mu Nkiko Gacaca mu buryo bushimishije.
94% Bemeje ko ibimina bigira uruhare mu bwiyunge ko kandi kuba umunyamuryango bidashingira ku nkomoko.
Ni mu gihe 94% bemeje ko aho batuye, abaturage bagira uruhare mu bikorwa na gahunda bigamije kubanisha Abanyarwanda neza.
Ku nkingi y’Ubwiyunge, mu bushakashatsi bwa MINUBUMWE, bugaragaza ko 99% by’abajijwe, bemera ko Abanyarwanda aho batuye basabana kenshi kandi babikora batitaye ku nkomoko yabo.
99% bemeje ko kwibuka Jenoside yakorewe Abatutsi bifite uruhare rukomeye mu kubaka Ubwiyunge mu Banyarwanda.
98.5% banyuzwe nuko babana mu muryango nyarwanda mugari. 97% bemera ko itangazamakuru ryo mu gihugu rigira uruhare mu kubaka Ubwiyunge bw’ Abanyarwanda.
Ku ngingo y’Ubudaheranwa
MINUBUMWE ivuga ko ku ngingo y’Ubudaheranwa bw’Abanyarwanda, ubushakashatsi bwagaragaje ko 99.1% by’ababajijwe, bemeje ko imiterere y’ubuyobozi buri mu Rwanda idaheza Abanyarwanda.
Ni mu gihe 99% bemera ko ingamba z’ubukungu z’igihugu zizirikana ibyiciro by’imibereho bitandukanye by’Abanyarwanda kandi zidaheza.
98.6% bo bemeje ko u Rwanda rwimakaza umuco w’ibiganiro, gukemura amakimbirane no gufata ibyemezo binyuze mu bwumvikane.
MINUBUMWE ivuga ko 98.1% bemeje ko abaturage bahagarariwe mu nzego zifata ibyemezo kandi bazibonamo .
