Gisagara VC mu bagabo na Police WVC mu bagore, zegukanye ku nshuro ya mbere irushanwa rya BK Arena Volleyball Cup.
Mu bagabo, Gisagara VC yatsinze APR VC ku mukino wa nyuma amaseti 3-0 biyoroheye cyane ( 25-22, 25-12, 25-10).
Mu bagore, Police W VC niyo yegukanye igikombe itsinze APR W VC amaseti 3-0 (21-25, 24-26,25-27).
Amakipe yombi ya APR yari yageze ku mukino wa nyuma gusa ntibyayahiriye.
Iyi mikino ya nyuma yabereye muri BK Arena ku mugoroba wo kuri uyu wa Gatandatu, tariki ya 13 Ukuboza 2025.
Yabimburiwe n’iyo guhatanira umwanya wa 3, wegukanywe na Kepler VC mu bagabo itsinze Police VC amaseti 3-1.
Ni mu gihe Kepler W VC yegukanye uyu mwanya mu bagore itsinze RRA W VC amaseti 3-2.
Amakipe ane ya mbere ku rutonde rwa Shampiyona ya Volleyball mu bagabo n’abagore yabanje guhura mu mikino yabaye ku wa Gatanu, tariki ya 12 Ukuboza 2025 muri BK Arena, hashakwa agera ku mukino wa nyuma.
Mu bagabo, ikipe ya Gisagara VC yageze ku mukino wa nyuma itsinze Police VC amaseti 3-0, mu gihe APR VC yo yari yatsinze Kepler amaseti 3-1.
Naho mu bagore, Police W VC yari yageze ku mukino wa nyuma itsinze Kepler W VC amaseti 3-0, mu gihe APR W VC yari yatsinze RRA amaseti 3-0.
Ni ku nshuro ya mbere iri rushanwa ryari rikinwe. Ikipe ya Gisagara ikomeje kwitwara neza kuko amakipe bihannye mu myanya ya mbere arimo Police VC na APR VC, ikomeje kuyatsinda byoroshye cyane.
