Minisitiri w’Intebe Dr Nsengiyumva Justin, ku wa 16 Gashyantare 2026, yakiriye Ambasaderi Belén Calvo Uyarra, uhagarariye Umuryango w’Ubumwe bw’Uburayi mu Rwanda.
Ibiro bya Minisitiri w’intebe, kuri X byavuze ko ibiganiro byabo byibanze ku kurushaho gushimangira ubufatanye busanzweho hagati y’u Rwanda n’Umuryango w’Ubumwe bw’u Burayi.
EU isanzwe ari umufatanyabikorwa mwiza w’u Rwanda ndetse mu Ukwakira umwaka ushize uyu muryango wahaye u Rwanda miliyoni 95 z’Amayero azafasha mu gukora inkingo.
Urwego rw’Igihugu rw’Iterambere (RDB), rwatangaje ko ishoramari ry’Ibihugu byo mu Muryango w’Ubumwe bw’u Burayi (EU) mu Rwanda, ryahanze akazi ibihumbi 20 ku baturarwanda, hagati y’umwaka wa 2018 na 2022.
Imibare y’Urwego rw’Iterambere, RDB, igaragaza ko hagati ya 2018 na 2022, ishoramari rya miliyoni $870 ryanditswe mu Rwanda riturutse mu bihugu by’i Burayi.
RDB yavugaga ko mu bihugu byo mu Muryango w’Ubumwe bw’u Burayi (EU) bigira uruhare runini mu gushora imari mu Rwanda harimo u Bufaransa, u Buholandi, u Budage na Suède.
Muri uwo mwaka wa 2023, Imibare ya RDB yagaragaza ko hari abantu cyangwa ibigo birenga 85 byo mu Muryango w’Ubumwe bw’u Burayi byashoye imari mu Rwanda .
