Ikigo cy’Igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi NAEB, cyatangaje ko umusaruro ukomoka ku buhinzi n’ubworozi woherejwe ku masoko mpuzamahanga kuva ku wa 6-10 Mata 2026 byinjirije u Rwanda miliyari 11,2 Frw.
Ibi byatangajwe muri raporo y’icyumweru itangazwa na NAEB igaragaza uko ibikomoka ku buhinzi n’ubworozi byoherejwe hanze n’amafaranga byinjije.
NAEB yatangaje ko umusaruro woherejwe ku isoko mpuzamahanga muri iyo minsi itanu ari toni 8837, zirimo; ikawa, imboga, imbuto, indabo n’ibindi bihingwa bitandukanye.
Hoherejwe toni 21 z’ikawa zinjije miliyoni 51 Frw, hoherezwa toni 855 z’icyayi zinjije miliyari 3,5 Frw naho mu giha kandi hoherejwe imboga zingaga na toni 189 zinjije miliyoni 625 Frw.
Imbuto u Rwanda rwohereje ku isoko mpuzamahanga zipima toni 286, zinjije asaga miliyoni 249 Frw, naho indabo zagurishijwe ni toni 12 zinjije arenga miliyoni 86 Frw.
Ibihingwa bitandukanye (ibinyabijumba, ibinyamisogwe, ibinyampeke n’ibindi) u Rwanda rwoherejwe ibipima toni 7169, birwinjiriza miliyari 6,1 Frw.
Ku bijyanye n’amatungo n’ibiyakomokaho hoherejwe ibipima toni 259, aho byinjirije u Rwanda asaga miliyoni 623 Frw.
NAEB yagaragaje ko muri rusange umusaruro wagurishijwe mu bihugu birimo u Bwongereza, u Buholandi, u Bufaransa, Leta Zunze Ubumwe z’Abarabu, u Budage, Nigeria n’ibihugu byo ku Mugabane wa Afurika.
