Umunyarwanda Masengesho Vainqueur yegukana umwanya wa kabiri muri Tour d’Algérie Cycliste 2026, asizwe amasegonda 19 n’Umunya-Indonesia Dimas Nur Fadhil Rizqi ukinira Jakarta Pro Cycling Team.
Iri rushanwa ryari rimaze iminsi 10, ryashojwe ku Cyumweru, tariki ya 25 Mata 2026, rikaba riri mu akomeye ku mugabane wa Afurika, kuko riri ku rutonde rwa UCI Africa Tour.
Iri rushanwa ryagombaga kuzenguruka ibilometero hafi 1,700 mu bice bitandukanye bya Algeria, ryanyuze mu mijyi itandukanye nka Oran, Tlemcen, Sidi Bel Abbès na Chlef, risorezwa mu misozi ya Kabylie.
Ryari ryitabiriwe n’abakinnyi baturutse mu bihugu birenga 25 byo ku migabane itandukanye.
Umunya-Indonesia, Dimas Nur Fadhil Rizqi ukinira Jakarta Pro Cycling Team yegukanye umwanya wa mbere, asiga amasegonda 19 Masengesho Vanquer waje ku mwanya wa kabiri n’amasegonda 21 umunya-Ukrain Anatolii Budiak ukinira Madar Pro Cycling waje ku mwanya wa gatatu.
Mu gace ka kabiri, Masengesho Vainqueur yari yaje ku mwanya wa kane, mu gace ka munani ko gusiganwa mu gikundi aza ku mwanya wa kabiri, mu gace ka cyenda Masengesho yaje ku mwanya wa gatatu akuramo ikinyuranyo cy’amasegonda 19 yarushwaga n’uwa mbere.
Mu gace ka nyuma k’ibilometero 107 kava i Alger kerekeza i Tizi Ouzou yaje ku mwanya wa Kabiri, asoza ari nawe Munyafurika wahize abandi muri iri rushanwa.
Masengesho yongeye guhagarari neza u Rwanda muri iri rushanwa nyuma ya Joseph Areruya witwaye neza mu 2016.
