Mu Rwanda hari kubera amahugurwa y’iminsi itanu yateguwe n’Umuryango w’Abayobozi bakuru ba Polisi zo mu Bihugu byo mu muryango w’Afurika y’Iburasirazuba (EAPCCO), ateganyirijwe abazahugura abandi ku iyubahirizwa ry’ihame ry’uburinganire mu bikorwa byo kubahiriza amategeko.
Aya mahugurwa arimo kubera ku cyicaro gikuru cya Polisi y’u Rwanda ku Kacyiru, yatangijwe ku mugaragaro kuri uyu wa Mbere tariki 19 Ukwakira 2026 n’Umuyobozi Mukuru Wungirije wa Polisi y’u Rwanda ushinzwe Ubutegetsi n’Abakozi, DCG Jeanne Chantal Ujeneza,
Yitabiriwe na ba Ofisiye baturutse mu bihugu 10. Agamije kongerera ubushobozi abapolisi n’abagenzacyaha mu guteza imbere ibikorwa byo kubahiriza amategeko byita ku ihame ry’uburinganire.
