Ubuyobozi bw’ibitaro bya CARAES Ndera bwatangaje mu mwaka wa 2024-2025, ibi bitaro byakiriye abarwayi 119,859 ndetse ko biyongereye 17.7% .
Nkuko imibare yashyizwe ku mbuga nkoranyambaga z’ibyo bitaro ibigaragaza, indwara y’igicuri ( Epilepsy) ni yo yiganje ku barwayi aho abayifite ari 36,097 % bangana 29.08% by’abarwayi .
Ibitaro bya CARAES Ndera bivuga indi ndwara iza ku mwanya wa kabiri ari indwara ifata ubwonko yitwa ‘schizophrenia’ Uburwayi bwo mu mutwe bweruye, kera bitaga ibisazi.
Irwawe n’abagera ku 24,991, bangana na 20.14%.
Acute and transient psychotic disorders’,ni uburwayi bwo mu mutwe bw’igihe gito; ni uburwayi bukunda gutungurana ariko ntibutinde gukira, bukunda guterwa na stress, cyangwa impanuka cyangwa bukaza nk’ikoreshwa ry’ibiyobyabwenge bikabije.
Buza ku mwanya wa gatatu aho abayirwaye ari na 10,349 bangana 8.34%.
Ni mu gihe’ Bipolar disorder uburwayi bwo mu mutwe butera impinduka zidasanzwe mu mitekerereze y’umuntu, imbaraga, urwego rw’ibikorwa n’ibindi, ifitwe n’abarwayi 7,235 bangana 5.83% .
Indwara y’agahinda gakabije nayo iri muzirwaye na benshi aho ifitwe na 4,076 z’abagannye ibi bitaro , bangana na 3.28%.
Ubuyobozi bw’ibitaro bya CARAES Ndera bwatangaje mu mwaka wa 2024-2025, abarembeye mu Bitaro bari 4,250.
Bivuga ko indwara zo mu mutwe zifata imyakura, “Neurological cases ‘ zirimo nko kuba Pararise, stroke ,igicuri n’ibindi yihariwe n’abazirwaye bangana na 53,524 bingana na 44.67%.
Ni mu gihe indwara zo mu mutwe ‘Psychiatric cases’ zitera kujagarara ku bwonko ari 66,335 bingana na 55.33%.
Ubuyobozi bw’ibi Bitaro buvuga ko imibare y’abakiriwe benshi bivujije indwara zo mu mutwe zidafata imyakura.
Bwagize buti ” Mu mibare, abakiriwe benshi bivuzaga indwara zo mu mutwe (psychiatric disorders) ariko bigaragara ko n’abivuzaga uburwayi bw’imyakura basatiraga icy’akabiri cy’abaje bose, cyane cyane kubera ari ho habarirwa uburwayi bw’igicuri. Indwara z’imyakura ni naho habarirwa uburwayi nka Parkinson, Migraine (Umutwe uhoraho), Stroke, n’ibindi.
