Kuri iki cyumweru mu Intare Conference Arena, i Rusororo, hari kubera ibirori byo gusaba no gukwa Nishimwe Naomie wabaye Miss Rwanda 2020, asabwa na Michael Tesfay bamaze igihe bakundana.
Iyi mihango iri kubera mu nyubako ya Intare Conference Arena iherereye mu Karere ka Gasabo, mu Murenge wa Rusororo, byitabiriwe n’imiryango yaba bombi irimo abaturutse mu gihugu cya Ethiopia ari naho Michael akomoka.
Miss Naomie yaherekejwe na Nyirasengewe Uwineza Kelly, ndetse yambarirwa n’abavandimwe be bahuriye mu itsinda rya Mackenzie n’izindi nshuti ze za hafi.
Tariki ya 1 Mutarama nibwo Michael Tesfay yemeje ko Nishimwe Naomie ubitse ikamba rya Miss Rwanda 2020, azamubera umugore. Ubukwe bwabo bubaye nyuma ya hafi umwaka amwambitse impeta.
