APR BBC yatsinze Rivers Hoopers yo muri Nigeria, igera muri 1/2 cya BAL
Ikipe ya APR BBC yatsinze Rivers Hoopers yo muri Nigeria amanota 104-73 mu mukino wa 1/4 cya Basketball Africa League (BAL), igera ku nshuro ya mbere muri 1/2 cy’iri rushanwa.
Umukino wahuje APR BBC na Rivers Hoopers yo muri Nigeria wabaye kuri uyu wa Mbere, tariki ya 9 Kamena 2025, muri SunBet Arena mu Mujyi wa Pretoria muri Afurika y’Epfo.
Muri uyu mukino, Agace ka Mbere karangiye APR BBC itsinze amanota 26-18.
Mu Gace ka Kabiri, Ikipe y’Ingabo yakomeje kwitwara neza igatsinda amanota 28-17 mu gihe mu gace ka gatatu yatsinze amanota 29-17.
Uduce dutatu twarangiye APR BBC iyoboye umukino n’amanota 83-52, bituma umukino urangira itsinze amanota 104-73.
APR BBC izahurira muri 1/2 na Al Ahli Tripoli yo muri Libya aho yageze itsinze Kriol Star yo muri Cap-Vert amanota 107–81.
Aya makipe yombi yanahuriye mu Itsinda Nile Conference ryakiniye muri BK Arena aho mu mikino yombi Al Ahli Tripoli yatsinze APR BBC.
