Iteka rya Minisitiri w’Intebe ryo ku wa 9 Ukuboza 2024, ryagennye Brig Gen Karuretwa Patrick ku mwanya wa Perezida w’Urukiko Rukuru rwa Gisirikare, na Lt Col Sumanyi Charles ku mwanya wa Visi Perezida warwo.
Aba bayobozi bashyizweho na Minisitiri w’Intebe, batangarijwe mu nama y’aba Minisitiri yabaye ku wa mbere, tariki ya 9 Ukuboza 2024.
Abandi basirikare bahawe inshingano ni Lt Ndayishimiye Darcy na Lt Mukasakindi Thérèse bagizwe Abacamanza mu Rukiko Rukuru rwa Gisirikare.
Brig Gen Karuretwa Patrick wagizwe Perezida w’Urukiko Rukuru rwa Gisirikare yari asanzwe ari Umuyobozi Mukuru ushinzwe imikoranire mpuzamahanga mu Ngabo z’u Rwanda.
Yize amategeko muri Kaminuza y’u Rwanda mu 2000, akomereza muri Kaminuza yo muri Leta Zunze Ubumwe za Amerika aho yakuye Dipolome y’icyiciro cya Gatatu cya Kaminuza mu mategeko mpuzamahanga.
Lt Col Sumanyi Charles wagizwe Visi Perezida w’Urukiko Rukuru rwa Gisirikare yari asanzwe ari umucamanza muri uru rukiko.
