Perezida Paul Kagame yitabiriye inama y’abakiriya b’ibihugu naza Guverinoma zihuriye mu muryango w’Ibihugu bikoresha Icyongereza (CHOGM 2024). Mu ijambo rye yasabye ubufatanye mu guhanga n’imihindagurikire y’ikirere, ndetse agaruka no ku ngingo yo gushakira imirimo urubyiruko n’abagore.
Iyi nama yabereye mu birwa bya Samoa kuri uyu wa gatanu tariki ya 25 Ukwakira 2024, Perezida Kagame akaba n’Umuyobozi ucyuye igihe wa Commonwealth, yagaragaje ko Afurika na Aziya bisangiye umutwaro w’imihindagurikire y’ikirere, yiganjemo kwiyongera k’ubushyuhe bukabije.
Yavuze ko Commonwealth ikwiye guhagurukira iki kibazo no kutirengagiza abagizweho ingaruka n’imihindagurikire y’ikirere, by’umwihariko mu gihe uyu muryango uri kwitegura inama yo kurengera ikirere, COP-29, ukwiye gutanga urugero mu guhangana n’ibyagihumanya.
Ati” Ntitwakwirengagiza ijwi ry’abari guhura n’aka kaga, ndetse mu gihe twitegura Inama ya 29 yiga ku mihindagurikire y’ibihe COP29 mu byumweru bike ntibakwiye kudusaba ubufasha. Dukwiye gutanga urugero.’’
Perezida Kagame yagaragaje ko gushakira urubyiruko n’abagore imirimo ishingiye ku ikoranabuhanga bikwiye kuba intego ya mbere ya Commonwealth, avuga ko imbaraga bafite zitagakwiye kwirengagizwa ahubwo zibyara umusaruro.
Ati” Gufasha abagore n’urubyiruko guhanga imirimo ishingiye ku ikoranabuhanga bikwiye kuba ku isonga ya gahunda twimakaza uyu mwaka.”
Perezida Kagame yashoje asaba ibihugu bigize umuryango wa Commonwealth kurangwa n’indangagaciro zirimo uburinganire, gufatanya no guha agaciro ibyo igihugu kidahuje n’ikindi, kuko aribyo soko yo kugera kuhazaza heza.
