Ikigo cy’Igihugu Gishinzwe Ibarurishamibare mu Rwanda cyatangaje ko ibiciro mu Rwanda, haba mu Mujyi no mu cyaro, byiyongereyeho 6,4% ugereranyije na Kanama 2024.
Ibiciro byo mu Mujyi byiyongereye kuruta mu cyaro
Iki kigo kivuga ko ibiciro mu mijyi byiyongereyeho 7,1% ugereranyije na Kanama 2024. Ibiciro mu kwezi kwa Nyakanga 2025 byari byiyongereyeho 7,3%.
NISR ivuga ko kwiyongera kw’ibiciro muri uku kwezi kwa Kanama 2025, byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 5,4%.
Ibiciro by’ibinyobwa bisembuye n’itabi byiyongereyeho 13,5%, ibiciro by’ibijyanye n’ubuvuzi byiyongereyeho 70,5%, ibiciro by’ibijyanye n’ubwikorezi byiyongereyeho 6,9% n’ibiciro by’amafunguro n’icumbi byiyongereyeho 18,5%.
Ikigo cy’Igihugu Gishinzwe Ibarurishamibare mu Rwanda kivuga ko ugereranyije Kanama 2025 na Kanama 2024, ibiciro by’ibintu bitarimo ibiribwa n’ibikomoka ku ngufu byiyongereyeho 7,8%.
NISR ivuga ko ugereranyije Kanama 2025 na Nyakanga 2025, ibiciro byiyongereyeho 0,7%.
Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 0,9%.
Mu cyaro
Ikigo cy’Igihugu Gishinzwe Ibarurishamibare mu Rwanda,NISR, kivuga ko ibiciro mu byaro mu kwezi kwa Kanama 2025, byiyongereyeho 5,9% ugereranyije na Kanama 2024.
Ibiciro mu kwezi kwa Nyakanga 2025 byari byiyongereyeho 7%.
Bimwe mu byatumye ibiciro byiyongera mu kwezi kwa Kanama 2025 ni ibiciro by’ibiribwa n’ibinyobwa bidasembuye byiyongereyeho 4,9%, ibiciro by’ibinyobwa bisembuye n’itabi byiyongereyeho 10,6%, ibiciro by’ibijyanye n’ubuvuzi byiyongereyeho 54,3% n’ibiciro by’amafunguro n’icumbi byiyongereyeho 14,8%.
Ugereranyije Kanama 2025 na Nyakanga 2025, ibiciro byiyongereyeho 0,7%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 1%.
Mu kwezi kwa Nyakanga 2025 ibiciro byari byiyongereyeho 7,2%.
Bimwe mu byatumye ibiciro byiyongera mu kwezi kwa Kanama 2025 ni ibiciro by’ibiribwa n’ibinyobwa bidasembuye byiyongereyeho 5%, ibiciro by’ibinyobwa bisembuye n’itabi byiyongereyeho 11,5%, ibiciro by’ibijyanye n’ubuvuzi byiyongereyeho 62% n’ibiciro by’amafunguro n’icumbi byiyongereyeho 16,8% . Ugereranyije Kanama 2025 na Nyakanga 2025, ibiciro byiyongereyeho 0,7%.
Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 0,9.
