Inama y’Abaminisitiri yashyize mu myanya abayobozi batandukanye barimo abagize Inama y’Inararibonye mu Rubuga Ngishwanama rw’Inararibonye z’u Rwanda n’abagize inama y’Ubuyobozi y’Urwego rw’Igihugu rw’Itangazamakuru (RBA).
Inama y’Abaminisitiri iyobowe na Perezida Paul Kagame yateranye kuri uyu wa gatandatu, tariki ya 9 Ugushyingo 2024.
Abashyizwe ku myanya bagize inama y’Inararibonye mu rubuga Ngishwanama rw’Inararibonye z’u Rwanda ni Dr. Pierre Damien Habumuremyi, Amb. Zaina Nyiramatama na Amb. Dieudonne Sebashongore.
Dr. Claudine Uwera yagizwe umujyanama wihariye mu biro bya Minisitiri w’Intebe, Madamu Maëva Seka Haguma agirwa Deputy Principal Private Secretary mu biro bya Perezida wa Repubulika, mu gihe Madamu Michelle Umurungi ashinzwe ishoramari mu rwego rushinzwe Iterambere mu Rwanda.
Iyi nama kandi yashyizeho abagize Inama y’Ubuyobozi y’Urwego rw’Igihugu rw’Itangazamakuru (RBA), iyobowe na Israel Bimpe.
Abandi bashyizwe muri iyi nama ni Viviane Mukakizima, wagizwe umuyobozi wungirije, Anitha D. Umuhire, Solange Ayanone, Michel Butera Mgasa, Kivu Ruhorahoza na David Toovey.
