Inteko Rusanjye ya Sena yateranye kuri uyu wa kane, tariki ya 5 Ukuboza 2024, yemeje Mukantaganzwa Domitille ku mwanya wa Perezida w’Urukiko rw’Ikirenga na Hitiyaremye Alphonse ku mwanya wa Visi Perezida waru rukiko.
Aba bayobozi bagenwa na Perezida wa Repubulika, Paul Kagame, tariki ya 3 Ukuboza 2024, hakurikije itegeko Nshinga, ingingo ya 154, ivuga ko Perezida na Vizi Perezida w’Urukiko rw’Ikirenga bashyirwaho na Perezida wa Repubulika bakemezwa na Sena.
Inteko rusanjye ya Sena yateranye kuri uyu wa Kane, yemeje aba bayobozi ku myanya bashyizwemo nyuma yo gukora isuzuma kuri dosiye zabo, hakurikijwe itegeko.
Mukantaganzwa Domitilla w’imyaka 60 y’amavuko yagizwe Perezida w’Urukiko rw’Ikirenga asimbuye Ntezilyayo Faustin, akaba yari asanzwe ari Perezida wa Komisiyo y’u Rwanda ishinzwe ivugururwa ry’amategeko kuva mu 2019.
Mukantaganzwa afite impamyabumenyi y’icyiciro cya gatatu muri Kaminuza mu bijyanye n’amahoro n’ububanyi n’amahanga yakuye muri kaminuza ya Hekima muri Kenya.
Mu gihe Hitiyaremye Alphonse wagizwe Visi Perezida w’Urukiko rw’Ikirenga yasimbuye Mukamulisa Marie-Thérèse, yari asanzwe ari umucanza mu Rukiko rw’Ikirenga.
Afite impamyabumenyi y’icyiciro cya gatatu cya kaminuza mu mategeko mpuzamahanga yakuye muri Kaminuza ya Kiev, muri Ukraine.
