Ku mugoroba wo kuwa kane, tariki ya 12 Ukuboza 2024, Perezida Paul Kagame na Perezida w’Ishyirahamwe Mpuzamahanga ry’Umukino wo gusiganwa mu modoka ku Isi (FIA), Mohammed Ben Sulayem, bamuritse imodoka y’amasiganwa yakorewe mu Rwanda.
Iyi modoka yakozwe n’abanyeshuri bo muri IPRC Kigali, iri mu bwoko bwa ‘Cross Car’, yamurikiwe muri Kigali Convection Center ahari kubera ibikorwa butandukanye byitegura Inteko Rusanjye ya FIA, itegerejwe kuri uyu wa gatanu, tariki ya 13 Ukuboza.
Biteganyijwe ko iyi modoka Umuholandi Max Verstappen wegukanye Formula One uyu mwaka, azagerageza imikorere yayo nka kimwe mu bihano yahawe na FIA, nyuma yo kugaragara mw’itangazamakuru akoresha amagambo arimo agasuzuguro.
Igikorwa cyo kumurika imodoka cyakurikiwe no gusangira kwa Bayobozi mu nzego zitandukanye n’ibyamamare nka Steve Harvey, bitabiriye Inama y’Inteko Rusange ya FIA, yahuriranye no kwizihiza imyaka 120 imaze itangiye ibikorwa byayo.
