Perezida Paul Kagame ari i Baku muri Azerbaijan aho yitabiriye inama ya 29 y’Umuryango w’Abibumbye yiga ku mihindagurikire y’ibihe (COP29).
Perezida Kagame yageze i Baku mu gitondo cyo kuwa kabiri tariki ya 12 Ugushyingo 2024, yakirwa na Minisitiri Wungirije wa Azerbaijan ushinzwe abakozi n’ubwiteganyirize, Hidayat Abdullayev n’abandi bayobozi.
Inama ya COP29 yatangiye kuwa mbere tariki ya 11 Ugushyingo 2024, ikaba yahuje abayobozi batandukanye aho bari bube biga ku buryo bwo kwihutisha ingamba zo guhangana n’imihindagurikire y’ikirere.
Muri uru ruzinduko rwa Perezida Kagame biteganyijwe ko azahura n’abakuru b’ibihugu naza Guverinoma barimo Perezida wa Azerbaijan, Ilham Aliyev.
U Rwanda ruherutse kugena Lt Gen (Rtd) Charles Kayonga nka Ambasaderi uhagarariye u Rwanda mu gihugu cya Azerbaijan.
Perezida Perezida Ilham Aliyev yashimangiye akamaro ko guteza imbere umubano w’u Rwanda na Azerbaijan ndetse agaragaza inzego zikenewemo ubufatanye, zirimo ubucuruzi, ishoramari, imikoranire hagati y’abaturage n’ahandi.
