Perezida Kagame yakiriye Umunyamabanga Mukuru w’Umuryango w’Ibihugu bivuga Ururimi rw’Igifaransa, OIF, Louise Mushikiwabo, bagirana ibiganiro byihariye.
Umukuru w’Igihugu yakiriye Mushikiwabo ku mugoroba wo kuri uyu wa Gatatu, tariki ya 8 Ukuboza 2025, muri Village Urugwiro.
Aya makuru yatangarijwe ku rubuga rwa X rw’Ibiro bya Perezida wa Repubulika, aho rwavuze ko Perezida Kagame na Mushikiwabo baganiriye ku mikoranire isanzwe hagati y’u Rwanda n’Umuryango wa OIF.
Louise Mushikiwabo yatowe bwa mbere nk’Umunyamabanga wa OIF mu 2019, yongera kugirirwa icyizere muri manda ya kabiri muri Werurwe 2022.
U Rwanda na OIF bisanzwe bifatanya mu mishinga yo guteza imbere ubukungu, ubucuruzi, uburezi n’ibindi ndetse na gahunda zirimo kurwanya imyuka yangiza ikirere no kurengera ibidukikije.
