Mu 2022, raporo y’umuryango mpuzamahanga w‘itumanaho, ITU ku bijyanye n’umutekano w’ikoranabuhanga, yari yashyize u Rwanda ku mwanya wa 7 mu bihugu 10 byo muri afurika mu bwirinzi bw’ibitero bikorwa hifashishijwe ikoranabuhanga ku manota 79.95%.
Hakurikijwe raporo nk’iyi ya 2024, u Rwanda rwaje kumwanya wa 5 muri Africa na manota 98%, rukaba rwariyogereyeho amanota 20%, ruza ku mwanya wa 46 ku rwego rw’isi.
Ruri mu bihugu bifite amanota ari hagati ya 95% n’I 100%. Mugihe ibihugu 15 bifite amanota ari hagati ya 0-20% harimo Afghanistan, u Burundi, Eriterea, Centrafrique,Guinea Bissau n’ibindi.
Raporo ya 5 y’umuryango mpuzamahanga w’itumanaho, Cyber Index Report 2024 yakozwe hashingiwe ku nkingi 5 ku bijyanye n’amategeko mu by’ikoranabuhanga, u Rwanda rwabonye 20 kuri 20, mu byerekeye tekiniki mu by’ikoranabuhanga rugira 18.98 kuri 20; mu gukorera hamwe rwagize amanota 19.34 kuri 20; kongera ubushobozi rugira 19.76 kuri 20, naho ku nkingi y’ubufatanye mpuzamahanga mu by’ikoranabuhanga, raporo igaragaza ko u Rwanda rwujuje.
Iyi raporo igaragaza ko u Rwanda rufite ibigo n’inzego zishinzwe kugenzura ishyirwa mu bikorwa ry’iyi myanzuro ku rwego rw’igihugu, bikajyana no kwitegura ibyago bishobora guterwa n’ikoranabuhanga.
Kandi yerekana ko u Rwanda rufite amategeko arengera amakuru bwite y’abaturage no gukumira ibitero ku makuru yihariye,abateguye iyi raporo bashimye u Rwanda mu ntabwe rwateye ikomeye mu gukumira no guhangana n’ibibazo by’umutekano w’ikoranabuhanga .
