Ishyirahamwe ry’Umupira w’amaguru mu Rwanda, FERWAFA , ryirukanye Adel Amrouche wari umutoza w’Amavubi kubera umusaruro udashimishije
Adel yatsinze umukino umwe mu mikino umunani yatoje.
FERWAFA ivuga ko atubahirije bimwe mu bikubiye mu masezerano ye ndetse yahawe umwanya wo kubikosora ariko ntiyabyubahiriza.
Amrouche yagizwe umutoza w’Amavubi muri Werurwe 2025 asinya imyaka ibiri.
Umunya-Algeria Adel Amrouche yagizwe Umutoza Mukuru w’Ikipe y’Igihugu y’u Rwanda ’Amavubi, aho yari yungirijwe na Eric Nshimiyimana ndetse na Dr. Carolin Braun.
Kuva yaza mu ikipe y’igihugu, hanenzwe uburyo bw’imitoreze ye ndetse n’umusaruro mu ikipe y’igihugu .
Muri Werurwe 2026 haratangira amajonjora y’igikombe cy’Afurika 2027 kizabera muri Uganda – Tanzania – Kenya ndetse hategerejwe undi mutoza uzafasha ikipe y’igihugu Amavubi.
