Abarwanyi ba M23 bakomeje kwirukana ndetse banasenya ibirindiro byari indiri ikomeye ya FDLR na wazalendo mu duce two muru Gurupoma ya Tongo ho muri teritware ya Rutshuru mu ntara ya kivu y’amajyaruguru.
Ni mu mirwano ikomeye gitondo cyo kuri icyi cyumweru tariki ya 25/05/2025,ubwo FDLR na Wazalendo bahuye n’uruva gusenya muri gurupema ya Tongo ndetse banirukanwa n’abarwanyi ba M23 muri aka gace bari baragize indiri byaragoranye kubamaramo.
Amakuru twahawe numwe mu barwanyi ba M23 agaragaza ko imirwano yabereye neza mu gace kitwa Kahunga ari nako karimo ibirindiro bikaze by’iri huriro, aho abaturage baho bakanguwe n’urusaku rw’imbunda rwinshi zaraswaga n’impande zombi.
Urwo rusaku rw’imbunda ziremereye n’izoroheje rwumvikanaga no mu duce twa Kirumba na Kagando turi mu ntera itari ndende uvuye aha i Kahunga harimo habera imirwano.
Bivugwa ko na nyuma y’isaha kumi z’amanywa urwo rusaku rw’imbunda rwari rukirimo rwumvikana.
Aya makuru akomeza avuga ko abantu batanu ko ari bo bakomerekejwe n’ibisasu byavaga mu ruhande rwa FDLR na Wazalendo barwanirira Leta ya Kinshasa, umwe akahasiga ubuzima.
Nyuma yaho uyu mutwe usenyaguye ibirindiro bwa FDLR na Wazalendo i Kahunga,ingabo zakomeje no mu bindi bice birimo Bambo n’ahandi hakihishemo aba barwanyi nkuko amakuru ava muri ibyo bice abivuga.
Iyi mirwano yadutse yatumye abaturage bakomeza guhunga berekeza mu tundi duce tutarimo imirwano nkuko byatangajwe n’umuryango w’abaganga batagira umupaka.
