APR FC yamaze gusinyisha rutahizamu ukomoka muri Côte d’Ivoire, William Togui Mel wakinaga muri Turikiya.
Uyu rutahizamu w’imyaka 28 akaba yamaze kwerekanwa n’ikipe ya APR FC, ndetse imuha ikaze.
Togui Mel bivugwa ko yasinye imyaka ibiri, ni we mukinnyi w’umunyamahanga isorejeho isoko muri uyu mwaka w’imikino wa 2025-26.
Yujuje umubare w’abakinnyi 3 b’abanyamahanga APR FC isinyishije muri iri soko, ni nyuma ya Ronald Ssekiganda ukomoka muri Uganda na Memel Raouf Dao ukomoka muri Burkina Faso.
William Togui Mel yakiniye amakipe nka Difaâ El Jadidi, Ittihad Khrmisset, Rapide Oued Zem zo muri Maroc, SC Gagnoa y’iwabo muri Côte d’Ivoire, Mechelen yo mu Bubiligi aho yaje kumutiza muri Espérance de Tunis muri Tunisia.
Yaje gusubira mu Bubiligi muri RWDM atijwe, anakomereza muri Israel nabwo atijwe muri Hapoel Jerusalem. Urugendo yarukomereje muri Turikiya mu makipe nka Tuzlaspor, Beykoz Anadolu ndetse na Ankara Keciörengücü.
