Minisitiri w’Ubuzima Dr. Nsanzimana Sabin yatangaje ko u Rwanda ruri gukora n’ikigo gishinzwe ubuzima kw’Isi, OMS mu gushaka urukingo rwa virusi ya Marburg.
Mu kiganiro yagiranye na RBA ku wa 2 Ukwakira 2024, Minisitiri w’ubuzima, Dr. Sabin Nsanzimana, yavuze ko u Rwanda ruri gushyira ingufu mu gushaka inkingo za virusi ya Marburg, kubufatanye n’ikigo gishinzwe ubuzima kw’isi OMS.
Dr. Nsanzimana Sabin yavuze ko mu gihe hataraboneka urukingo rwemewe igihugu kirakomeza kwita no guha ubuvuzi abagaragaweho n’iki cyorezo cya Marburg no gukomeza iperereza hamenywe abahuye nabanduye iyi ndwara mu buryo bwo kwirinda ikwirakwizwa ry’ayo.
Kugeza ubu u Rwanda rukaba rufite abanduye 43, abari kuvurwa 25, n’abitabye Imana 12.
