Abahoze mu itsinda rya Sauti Sol bakomoka muri Kenya, bagiye guhurira mu gitaramo kizabera muri Kigali Universe ku wa 18 Ukwakira 2024.
Iki gitaramo cyiswe ‘Sol Fest Kigali Pre Party’, kizabanziriza icyiswe Sol Fest giteganyijwe kubera i Nairobi muri Kenya ku wa 19-21 Ukuboza 2024.
Mu gitaramo kizabera i Kigali byemejwe ko cyizitabirwa na Savara Mudigi, Bien-Aimé Baraza, Willis Chimano na Fancy Fingers bahoze muri Sauti Sol.
Iki gitaramo kandi kizagaragaramo abahanzi nka Mike Kayihura na Ariel Wayz mu gihe aba DJs bavanga imiziki bo barimo DJ Sonia na DJ June.
Byitezwe ko ku wa 19 Ukuboza 2024 hazaba igitaramo cya Sol Fest ya VIP ndetse n’icyo ku wa 21 Ukuboza 2024 kigenewe abakunzi b’umuziki muri rusange.
Ni ibitaramo biteganyijwe kwitabirwa n’abahanzi barimo Khaligraph Jones na Nyashinski.
Itsinda rya Sauti Sol ryamamaye mu ndirimbo zitandukanye ryatangijwe mu 2005 riza gutandukana mu 2023.
