Umuraperi Hagenimana Jean Paul wamamaye ku mazina ya Bushali yasogongeje abakunzi ba muzika nyarwanda album ye ya kane yise “Full Moon” mbere y’uko ijya hanze.
Bushali yahuye n’abakunzi be mu birori byabereye muri BK Arena mu ijoro ryo ku wa 4 Ukwakira 2024, ahura n’abanyamuziki batandukanye barimo abahanzi, abanyamakuru, abashoramari n’abandi yatumiye gusa.
Muri ibi birori (Listening Party) Bushali yaboneyeho kugurisha imwe mu mipira yo kwambara yanditseho “Full Moon”.
Ibi Birori byitabiriwe n’abarimo Ish Kevin, Davis D, Bulldog Dogg, Anita Pendo, Rocky Kimomo, Logan Joe, Kivumbi King, Juno Kizigenza, B Threy, Kenny k shot, Slum Drip, Bruce the first, Angel Mutoni, Patty cope, n’abandi
Iyi album igizwe n’indirimbo 17, ikaba ari iya kane ikurikira iya mbere yise ‘Nyiramubande’, iya kabiri yise ‘Ku gasima’ n’iya gatatu yise ‘!B!HE B!7’.
