Minisitiri w’Ububanyi n’Amahanga, Olivier Nduhungirehe na Minisitiri Utumatwishima Jean Nepo Abdallah bagaragaje ko baryohewe n’indirimbo ‘Plenty’ y’umuhanzi The Ben.
The Ben aherutse gushyira hanze indirimbo n’amashusho yayo yise ‘Plenty’ yakunzwe n’abanyarwanda benshi barimo Minisitiri w’ububanyi n’Amahanga Olivier Nduhungirehe na Minisitiri w’Urubyiruko Utumatwishima Jean Nepo Abdallah.
Babinyujije ku rubuga rwa X Minisitiri Utumatwishima yahise agaragaza n’izindi ndirimbo ziri kumufasha kuryoherwa n’impera z’icyumweru zirimo Jeje ya Platini afatanyije na Davis D, Nzaza ya Rumaga, Amakiriro ya Murekatete, Ifoto ya Bruce Melody na Full Moon ya Bushali.
Ku rundi ruhande Minisitiri Nduhungirehe yagaragaje ko yaryohewe n’indirimbo ‘Plenty’ ahamya ko The Ben ari umuhanzi w’umuhanga.
Plenty ni indirimbo mu buryo bw’amajwi yakorewe muri Country Records ikorwa na Prince Kiiiz mu gihe amashusho yatunganyijwe na Uniquo, umusore mushya ufite impano yo gutunganya amashusho.
