Perezida wa Mozambique, Daniel Francisco Chapo, uri mu ruzinduko rw’akazi rw’iminsi ibiri mu Rwanda, yasuye Urwibutso rwa Jenoside yakorewe Abatutsi rwa Kigali ruri ku Gisozi.
Yasuye ibice bigize uru rwibutso bisobanura amateka yagejeje kuri Jenoside yakorewe Abatutsi, ukuri kw’ibyabaye, ingaruka n’urugendo rw’u Rwanda mu kongera kwiyubaka. Kuri uru rwibutso, Perezida Chapo, yanditse mu gitabo cy’abashyitsi, ubutumwa bwo guha icyubahiro Abatutsi bishwe, anashyira indabo ku mva zishyinguyemo imibiri y’Abatutsi bazize Jenoside.
Perezida Chapo yari yabanje kwakirwa na Perezida wa Repubulika y’u Rwanda Paul Kagame muri Village Urugwiro. Yabwiye itangazamakuru ko yatangiriye uruzinduko rw’iminsi ibiri mu Rwanda ku butumire bwa Perezida Paul Kagame.
Ni uruzinduko rwa mbere, Perezida Daniel Chapo agiriye mu Rwanda kuva yatorerwa kuyobora Mozambique muri Nyakanga 2025, rukaba rushimangira ubushake bwo gukomeza gutsura umubano n’ubufatanye hagati y’u Rwanda na Mozambique.
