Minisitiri w’Intebe Dr. Edouard Ngirente ari i Abidjan muri Côte d’Ivoire, aho yitabiriye Inama yiga ku Iterambere ry’Ubukungu, yateguwe n’Umuryango Global Citizen na Bridgewater Associates ku bufatanye na Guverinoma ya Côte d’Ivoire.
Muri iyi nama y’iminsi ibiri kuva tariki ya 9-10, Minisitiri w’Intebe yitabiriye ikiganiro cyahuje abakuru b’ibihugu na za guverinoma bagaragaza ko hakwiye gukusanywa amafaranga ashyitse yo gushyigikira iterambere ry’ibihugu bigikennye muri gahunda ya IDA21 ya Banki y’Isi.
IDA ni inguzanyo idafite inyungu yashyizweho na Banki y’Isi ihabwa ibihugu bikiri inyuma mu nzira y’amajyambere kugirango bibashe guhangana n’ibibazo byi mbere mu gihugu birimo ibiza, amakimbirane, guteza imbere urubyiruko, n’ibindi bibazo by’ubuzima rusanjye.
Kuri ubu IDA ikeneye kwihaza mu butunzi kugirango nayo ibashe gutanga ubufasha mw’iterambere ry’ubukungu. Ibi akaba aribyo byizweho muri iyi nama, uburyo ibihugu byakusanya inkunga yuzuza ikigega cya IDA kugirango nayo ibashe gushyigikira iterambere ry’ibihugu bikennye.
