Abasirikare n’Abapolisi b’u Rwanda bari mu butumwa bwa Loni muri Repubulika ya Centrafrique (MINUSCA) batanze ibikoresho by’ishuri ku banyeshuri bari mu bice boherejwemo.
Ni igikorwa cyabaye ku wa Kane tariki ya 2 Nzeri 2025, kibera mu murenge wa Bangui aho iki kigo kubarizwa.
Aba basirikare bagize ba RWANBAT-1 n’Abapolisi b’u Rwanda batanze ibi bikoresho by’ishuri ku banyashuri biga kuri Lycée Buganda.
Abasirikare n’ abapolisi b’u Rwanda bafatanyije n’ingabo zituruka muri Maroc, Mauritania na Senegal, nibo bagejeje ibi bikoresho kuri aba banyeshuri.
Ibikoresho byatanzwe birimo amakaye, amakaramu n’ibikoresho by’isuku by’umwihariko bigenewe abanyeshuri b’abakobwa.
Uyu muhango wayobowe na Brigadier General Jean Ouedraogo, Umugaba w’Ingabo zoherejwe mu Mujyi wa Bangui.
Iki gikorwa cyakozwe hagamijwe kuzamura ireme ry’uburezi, kunoza imyigire no guteza imbere uburezi bw’abana biga muri Lycée de Buganda.
