Rayon Sports WFC yegukanye igikombe kiruta ibindi (FERWAFA Super Cup 2025) nyuma yo kunyagira Indahangarwa WFC ibitego 4-0, mu mukino wa nyuma wabereye muri Stade Amahoro kuri uyu wa gatandatu.
Iyi kipe niyo yari ifite igikombe giheruka ikisubije ibifashijwemo n’umutoza wayo Rwaka Claude yahuraga n’Indahangarwa WFC igikiniye ku nhsuro yayo ya mbere.
Yatangiranye imbaraga nyinshi nk’ikipe ishaka kugumana iri kamba, igerageza uburyo bwinhsi imbere y’izamu ry’Indahangarwa ibinyujije mu bakinnyi bayo nka Emeline, Gikundiro, n’abandi.
Ku munota wa 30, Emeline Mukagatete yafunguye amazamu ku ruhande rwa Rayon Sports WFC ku ishoti riremereye yatereye mu rubuga rw’amahina Umunyezamu wa Indahangarwa WFC, Diane Muhimpundu, ntiyashobora kurigarura.
Amakipe yagiye kuruhuka Rayon Sports WFC iyoboye n’igitego 1-0.
Mu karuhuka k’igice cya mbere, abaitabiriye uyu mukino basusurukijwe n’Umunyamerika Darren Jason Watkins Jr, umaze wamamaye nka IShowSpeed, uri mu rwanda muri gahunda ya Visit Rwanda.
Mu gice cya kabiri, Rayon Sports WFC yakomeje kwiharira umupira iza no kubona igitego cya kabiri cyatsinzwe na Odette Coralie Ngwema ku munota wa 61.
Bidatinze ibona icya gatatu cyatsinzwe na Jeanette Ukwinkunda ku munota wa 68, mu gihe Emerance Niyonshuti yaje ashimangira intsinzi y’imvura y’ibitego, atsinda icya kane ku munota wa 90.
