Kuri uyu wa Gatatu, Minisitiri w’ibikorwa by’ubutabazi Maj. Gen. (Rtd) Albert Murasira yakiriye Carl Ash, Umuyobozi w’umuryango mpuzamahanga wita ku bimukira ( IOM ) bagirana ibiganiro.
Baganiriye ku bufatanye busanzweho mu bijyanye no gucunga ibiza, gusubiza mu buzima busanzwe abatahutse mu buryo burambye, korohereza ingendo z’impunzi, ndetse no gushyira mu bikorwa amasezerano mpuzamahanga ajyanye n’abimukira.
Minisitiri yashimiye uruhare rwa IOM mu iterambere rimaze kugerwaho, anashimangira ko Guverinoma y’u Rwanda yiyemeje gukomeza ubufatanye mu mishinga iri gukorwa n’iteganyijwe mu gihe kiri imbere.
Wabaye kandi umwanya wo gusezera, ku muyobozi wa IOM kuko asoje manda ye mu Rwanda.
