Ikigo cy’Igihugu gishinzwe Ibarurishamibare (NISR), cyatangaje ko ivangamutungo rusange ari bwo buryo bwakoreshejwe n’abantu benshi mu baseseranye mu 2025.
Raporo ya NISR igaragagaza ko mu 2025 mu bantu 50,257 basezeranye 48,748 bahisemo uburyo bw’ivangamutungo rusange bingana na 97%.
NISR igaragagaza muri rusange mu 2025 haseseranye abantu 50,256 aho bagabanutse ugereranyije na 52,878 bari baseseranye mu 2024.
Uburyo bw’ivangamutungo w’umuhahano bwaje ku mwanya wa kabiri. Aho bwahiswemo n’abantu 1,233 bangana na 2.3%. Muri 2024, ubu buryo bwahiswemo n’abantu 1,187 bangana na 2.4%.
Ku rundi ruhande, abahisemo uburyo bw’ivanguramutungo risesuye bariyongeye ugereranyije n’uko bwahiswemo umwaka wabanje.
Imibare ya NISR igaragagaza ko mu 2025 bwahisemo n’abantu 753 bangana na 1.4%, mu gihe mu 2024 bari 313 bangana na 0.6%.
Ni mu gihe amasezerano ategurwa mbere yo gushyingirwa yakozwe n’abantu bake aho NISR igaragaza ko ijanisha ryabwo riri kuri 0.0%.
Imibare igaragaza ko abashyingiranywe bahisemo ubu buryo bari 9 gusa mu mwaka wa 2024, mu 2025 unamanuka bagera kuri 2 gusa.
