Umuyobozi mukuru wa Polisi y’u Rwanda, CG Felix Namuhoranye, yakiriye umuyobozi mukuru wa Polisi ya Burkina Faso, Thierry Dofizouho Tuina, ari kumwe n’umuyobozi wa Polisi y’ubugenzacyaha, Missa Millogo, ku cyicaro gikuru cya Polisi y’u Rwanda, Kacyiru.
Bagiranye ibiganiro byibanze ku gusangizanya ubunararibonye n’imikorere myiza mu bijyanye n’umutekano wo mu muhanda, imicungire y’ibikoresho, ubufatanye n’abaturage mu gucunga umutekano, ndetse no gukumira ibyaha.
Aba bayobozi banifatanyije na Police y’u Rwanda mu kwizihiza imyaka 25 y’iterambere rya Polisi y’u Rwanda, ndetse banitabira imyitozo ihuriweho ya EAPCCO Plus Joint SWAT Training Exercise yabereye mu Kigo cya Polisi y’u Rwanda gihugura ibijyanye no kurwanya iterabwoba i Mayange.
