Ikipe ya Rayon Sports yatangaje ko yasinyishije undi mukinnyi mushya Antonio Atisso Kodjo amasezerano y’imyaka ibiri (2) avuye mu ikipe ya Damissa FC yo mu kiciro cya mbere muri Benin, Celtiis Ligue 1.
Mu gitondo cyo kuri uyu wa kabiri tariki 23 Kamena nibwo Rayon Sports yatangaje Umuyu mukinyi w;umunye-Tongo, aba umukinnyi wa 8 mushya itangaje kuva Shampiyona ya 2025/26 yarangira.
Antonio Kodjo ni rutahizamu w’imyaka 27 ukina asatira izamu aciye ku mpande. Uyu musore, aherutse guhiga abandi bakinnyi mu gutsinda ibitego byinshi muri Shampiyona ya Benin y’umwaka w’imikino wa 2025/26, aho yatsindiye ikipe ya Damissa FC ibitego 16.
Iyi kipe yakiniraga kuva muri Nzeri 2025, yasoreje ku mwanya wa 9 mu makipe 18 akina shampiyona ya Benin. Uretse gukina aciye ku mpande, ashobora no gukina inyuma ya rutahizamu.
Yakiniye andi makipe atandukanye y’iwabo muri Togo arimo ASFOSA Lomé na ASC Kara.
Rayon Sports ikomeje urugendo rwo kwiyubaka nyuma yo kumara umwaka w’imikino nta gikombe na kimwe itwaye ari nako yitegura kuzahagararira u Rwanda mu mikino ya CAF Confederation Cup ihuza amakipe yo muri Afurika yabaye aya kabiri iwayo. Izitabira kandi imikino ya CECAFA Kagame Cup itaganyijwe muri Nyakanga 2026.
