Ikipe ya Police HC yateye intambwe igana ku gikombe cya Shampiyona y’u Rwanda ya Handball mu bagabo nyuma yo gutsinda APR HC ibitego 34-28.
Uyu mukino wakinwe kuri uyu wa Gatanu tariki 26 Kamena 2026 muri Petit Stade, wari umukino wa kabiri w’imikino ya nyuma ya kamarampaka muri Shampiyona y’u Rwanda ya Handball.
Umukino wa mbere wabereye Kimisagara warangiye Police HC itsinze APR HC ibitego 29-28.
Umukino wa gatatu utegerejwe kuri uyu wa Gatandatu tariki 27 Kamena 2026 muri Petit Stade.
Police HC niramuka itsinze uyu mukino izahita yegukana igikombe dore ko amakipe aba agomba gukina imikino 5, agatanguranwa gutsinda imikino 3. Naho APR HC nitsinda haziyambazwa umukino wa 4.
Uyu mukino ntabwo ari wo wonyine utegerejwe kuri uyu wa Gatandatu muri Petit Stade, kuko hazakinwa n’imikino 3 yo guhatanira umwanya wa 3 izahuza GS Tabagwe na Gicumbi HC.
Umukino wa mbere uzatangira saa 12:00, undi saa 16:00 hanyuma umukino wa nyuma ukinwe saa 15:00 z’umugoroba ari nawo uzabanziriza umukino wa nyuma wa APR HC na Police HC.
