Igitaramo cya MTN Iwacu Muzika Festival, cyabereye mu karere Ka Nyagatare, ku itariki ya 14 Nzeri 2024, cyaciye agahigo kubera ubwitabire bwinshi bwahagaragaye kurusha utundi turere ibi bitaramo byabereyemo mbere.
Iki gitaramo cyabereye ku kibuga cy’umupira cya Kaminuza y’u Rwanda ishami rya Nyagatare, iki gitaramo cyatangiye saa munani z’amanywa kiyobowe n’umunyamakuru Bianca w’Isibo Radio na MC Buryohe bakoranye, naho abakunzi bumuziki basusurutswaga na Dj Tricky.
Bamwe mu bahanzi bataramiye abari bitabiriye iki gitaramo harimo umuhanzikazi Bwiza, Bruce Melody, Bushali, ChrissEazy, Ruti Joel, Kenny Sol na Danny Nanone, aba bahanzi bose bari mu bagezweho muri iyi minsi. Iki gitaramo kitabiriwe nabiganjemo urubyiruko rwo mu karere Ka Nyagatare na Gatsibo.
