Teta Sandra yahakanye amakuru yaramaze iminsi acicikana ku mbuga nkoranyambaga, avuga ko yongeye gukubitwa n’umugabo we Weasel.
Mu minsi ishize nibwo hagaragaye amashusho y’umukobwa avuga inkuru y’uko Teta Sandra yaba yarongeye gukubitwa bikomeye n’umugabo we, ariko uyu mugore aza abihakana avuga ko ataribyo.
Mu kiganiro yagiranye na IGIHE, uyu mugore yahakanye yivuye inyuma iby’ayo makuru ndetse ahita yohereza amashusho amugagaraza ari kumwe n’umugabo we, abasaba ko abakwirakwije bihuha babereka ayo mashusho ati “ Ubampere ayo mashusho.”
Ni amashusho agaragaza uyu mugore yasohokanye n’umugabo we ndetse n’abavandimwe b’umugabo we barimo Jose Chameleone na Pallaso, basa nabagiye gusangira amafunguro ya nimugoroba.
Aya makuru aje nyuma yaho muri 2022 hatangajwe amakuru y’uko Teta Sandra yakubiswe n’umugabo we, ndetse yaje gutaha mu Rwanda muri Kanama 2022, gusa yongera gusubirayo mu gihugu cya Uganda muri Mata 2023.
