Ibirego bya RDC ku Rwanda bigiye kwakirwa n’urukiko rwa EAC

Minisitiri w’Ubutabera w’Ungirije wa RDC, Samuel Bemba, yamenyesheje inama y’aba Minisitiri iherutse guterana ko urukiko rw’umuryango wa Afurika y’Uburasirazuba EACJ, ruteganya kumva ibirego bya Repubulika Iharanira Demokarasi ya Congo ku Rwanda tariki ya 26 Nzeri 2024. 

Minisitiri Mbemba yasobanuye ko RDC yareze U Rwanda kurenga kumikorere ya EAC, aho barushinja kugira uruhare mu mutekano muke uri mu burasirazuba bw’iki gihugu. Akomeza avuga ko igihugu cyabo gishinja u Rwanda gukorera ibyaha bikomeye k’ubutaka bwa RDC, ndetse ko bateganya no kurega muzindi nkiko muzampahanga. 

Leta y’u Rwanda yahakanye kenshi kohereza ingabo muri RDC, ivuga ko yubaha ubusugire bw’iki gihugu cyabaturanyi, ndetse nacyo cyakubaha ubusigire bw’u Rwanda. Rwagaragaje ko ahubwo leta ya RDC yakomeje guha ubufasha umutwe wa FDLR ufite umugambi wo guhungabanya umutekano w’u Rwanda.

Amakuru dukesha IGIHE basobanuye ko yizewe, avuga ko u Rwanda ruzi ibijyanye n’ibi birego ndetse rwatangiye gusaba ko byateshwa agaciro kubera impamvu z’uko ibirego bimwe byatanzwe mu Gifaransa n’Ilingala, kandi ibirego byose bikwiriye gutangwa mu Cyongereza.

Indi ngingo ni uko bimwe muri ibi birego bishingiye ku bintu ivuga ko byabaye mbere y’uko uru rukiko rutangira gukora, bityo u Rwanda rukavuga ko nta bubasha uru rukiko rufite bwo kubiburanisha.