Kuri uyu wa Gatanu intumwa zaturutse muri minisiteri y’ingabo za Mozambique, ziyobowe na Maj Gen Samuel Luluva, umuyobozi mukuru ushinzwe serivisi z’imibereho myiza y’ingabo,zakiriwe na minisitiri w’ingabo w’u Rwanda, Juvenal Marizamunda, ku cyicaro gikuru cy’ingabo, ku Kimihurura.
Ibiganiro byabo byashimangiye ubushake bw’ibihugu byombi bwo kurushaho gushimangira ubufatanye busanzwe mu bya gisirikare, hibandwa by’umwihariko ku guteza imbere gahunda z’imibereho myiza y’abasirikare.
Muri urwo ruzinduko, izo ntumwa zasuye ibigo by’ingenzi birimo Banki ya ZIGAMA CSS, Ihahiro ry’Inzego z’Umutekano (AFOS) ndetse n’Ikigo cy’Ubwishingizi mu Kwivuza cy’abo mu Nzego z’Umutekano (MMI)
U Rwanda na Mozambique bifitanye umubano ukomeye by’umwihariko mu mikoranire ya gisirikare, aho ingabo z’u Rwanda ziri muri iki gihugu mu bikorwa byo kurwanya ibyihebe, ibikorwa bishingiye ku masezerano y’ibihugu byombi.
