U Rwanda rwongeye kwerekana ubwiza n’uburyohe bw’ikawa yarwo ku isoko mpuzamahanga,aho rwitabiriye imurikagurisha mpuzamahanga ry’ikawa, Café Show China 2026, ryabereye mu Bushinwa.
Iri murikagurisha ryahuje ibihugu bitandukanye bitunganya ikawa, abacuruzi n’abatunganya umusaruro wayo, abari mu ruhererekane nyongeragaciro rwa kawa ndetse n’abakunzi b’iki kinyobwa baturuka mu bice bitandukanye by’Isi.
U Rwanda rwaboneyeho umwanya wo kumurika no kumenyekanisha ikawa yarwo ku bakiriya, abacuruzi n’abashoramari bo ku isoko ry’u Bushinwa, ari na ko rushaka kongera amahirwe y’ubucuruzi no gufungura imiryango mishya ku banyenganda n’abohereza ikawa mu mahanga.
Kawa y’u Rwanda ikomeje gukundwa n’abaguzi b’Abashinwa ndetse no mu bindi bihugu bitewe n’ubwiza n’uburyohe byayo ndetse n’ibikorwa byo kuyimenyekanisha binyuze mu imurikagurisha n’ubucuruzi.
Ikawa y’u Rwanda ikunzwe mu bihugu bitandukanye
