Ingabo z’u Rwanda ziri mu butumwa bw’Umuryango w’Abibumbye bwo kugarura amahoro muri Repubulika ya Santarafurika (MINUSCA), zikorera mu gace ka Bossembele, ku wa 31 Ukwakira 2026, zatanze serivisi z’ubuvuzi ku baturage batuye ako gace.
Umuyobozi w’ingabo za RWABAT-2, Lt Col Aloys Karengera, yifatanyije n’Umuyobozi w’Akarere ka Bossembele, Madamu Beatrice, hamwe na n’Umuyobozi w’Umujyi wa Bossembele, Aristide Semungoro, muri icyo gikorwa.
Abaturage bagera kuri 200 ni bo bahawe ubuvuzi ndetse n’imiti ku bapimwe uburwayi butandukanye. Hanatanzwe inyigisho ku buzima zibanda ku buryo bwo kwirinda indwara zitandukanye zirimo malariya, kugira isuku no kwirinda indwara zifata amenyo.
