Ikipe ya FC Ujeco yo muri Djibouti yasinyishije abakinnyi babiri b’abanyarwanda Iradukunda Brillante ukina mu busatirizi na Mutuyemariya Florentine uzwi nka Kalaba nyuma y’uko bayikiniye muri CECAFA y’abagore yo gushaka itike ya CAF Women’s Champions League iheruka kubera i Kigali mu Rwanda.
Aba bakinnyi bari muri batanu iyi kipe ya FC Ujeco yari yiyambaje mu mikino ihuza amakipe yabaye aya mbere iwayo muri Afurika y’Iburasirazuba no Hagati (CECAFA) yishakamo ikipe imwe ibona itike yo kuzakina ihuza amakipe yabaye aya mbere mu turere twayo muri Afurika, CAF Women’s Champions Leageu.
Iradukunda na Mutuyemariya bakiniye ikipe ya Kigali WFC yamanutse mu cyiciro cya kabiri mu mwaka ushize w’imikino, ariko Iradukunda yari aherutse kuyivamo ajya muri Indahangarwa WFC.
Nyuma y’uko aba bakinnyi bombi bashimwe na FC Ujeco, yahise inabajyana muri Djibouti.
Abandi bakinnyi bakiniye FC Ujeco b’abanyarwanda muri CECAFA y’abagore yo gushaka itike ya CAF Women’s Champions League ni Uwineza Djazira, Mukandayisenga Nadine na Ingabire Aline.
