Amagaju FC yatangaje Sghir Hammad nk’umutoza Mukuru mushya wayo mu gihe yari imaze ibyumweru birenga bitatu idafite umutoza Mukuru.
Iyi kipe yo mu majyepfo y’u Rwanda yatangaje amakuru y’isinya ry’amasezerano n’uyu mu Birigi w’imyaka 41 ku mugroba wo ku wa kabiri tariki ya 3 Gashyantare 2026.
Amagaju FC yari yafashe icyemezo cyo gutandukana n’uwari umutoza wayo, Niyongabo Amars nyuma y’uko atsinzwe na Al Hilal SC ibitego 8-0 mu mukino wa Shampiyona wabaye tariki ya 11 Mutarama 2026.
Uyu musimbura we, yitezweho gufasha iyi kipe mu mikino yo kwishyura yatangiye ku wa 30 Mutarama 2026. Uwo munsi, iyi kipe yatangiye yakra Marines, banganya gitego 1-1. Niyongabo Amars we, yari yasize iy kipe mu makipe abiri ya nyuma.
Iyi kipe yiyita Inkuba zesa, yanerekanye abandi bakinnyi bashya bagiye kuyifasha barimo BI MARC OLIVIER BOUE wavuye mu ikipe ya Africa Sports d’Abidjan. Yerekanye kandi ko yasinyishije DOLFRANK BAREZI ukomoka muri Cote d’Ivoire.
Amagaju azesurana na Gicumbi ku cyumweru tariki 8 Gashyantare 2026, ubu ari ku mwanya wa 16 n’amanota 13 m mikino 18 amaze gukina.
