Mu ruzinduko yagiriye muri Central African Republic, umunyamabanga Mukuru wa FPR Inkotanyi Amb. Christophe Bazivamo yagiranye ibiganiro n’umunyamabanga nshingwabikorwa w’ishyaka Mouvement Cœurs Unis (MCU), Nyakubahwa Matthieu Simplice Sarandji.
Ibiganiro byabo byibanze ku gushimangira umubano n’ubufatanye hagati y’impande zombi, hagamijwe guteza imbere inyungu rusange z’amashyaka yabo ndetse n’ibihugu byabo. Aba bayobozi bombi bagaragaje ubushake bukomeye bwo gukomeza ibiganiro byubaka no gushyira imbaraga mu bikorwa biteza imbere iterambere rirambye.
Ibi bibaye mu ruzinduko Amb. Bazivamo yagiriye muri iki gihugu cya Centafique aho yari yanitabiriye umuhango w’irahira rya Perezida Faustin-Archange Touadéra ku butumire bw’ishyaka iri ku butegetsi rya Mouvement Cœurs Unis (MCU) ari na ryo rya Perezida Touadéra.
Uru ruzinduko rufatwa nk’intambwe ikomeye mu gushimangira umubano w’ibihugu n’amashyaka, aho impande zombi zikomeje gushyira imbere ibiganiro n’ubufatanye
