Ingabo z’u Rwanda ziri mu butumwa bw’ amahoro (RWABGVIII) zikorera muri MINUSCA, i Bria muri Repubulika ya Centrafrique, uyu munsi zifatanyije n’izindi ngabo zo mu bindi bihugu ziri mu butumwa bw’amahoro hamwe n’abaturage bo mu Mujyi wa Bria kwizihiza Umunsi Mpuzamahanga w’Abagore wa 2026.
Superefe mu Ntara ya Haute Kotto, Brahim Abdoulaye waje ahagarariye Guverineri, yatanze ubutumwa bwibanze ku gufata ingamba zifatika zo guteza imbere uburenganzira bw’abagore, harimo kubafasha kubona serivisi z’ingenzi no kugera ku butabera.
Kwitabira kw’ Ingabo z’ u Rwanda ziri mu butumwa bw’ amahoro muri uyu munsi bigaragaza ubushake bwo guteza imbere amahoro arambye no kurinda abasivili ihohoterwa iryo ariryo ryose.
