Umuyobozi mukuru wa Polisi y’u Rwanda CG Felix Namuhoranye, akaba n’umuyobozi mukuru wa komite y’ubujyanama mu bya tekinike (TAC) y’ikigo cy’akarere gishinzwe kugenzura ikoreshwa ry’intwaro nto (RECSA), yafunguye ku mugaragaro Inama ya 17 y’iyo Komite ihuriza hamwe abahagarariye Komite zo mu bihugu binyamuryango bya RECSA.
Iyi nama ni urubuga rw’ingenzi mu guhuriza hamwe ibihugu bigize RECSA hagamijwe gusuzuma intambwe imaze guterwa, gushimangira ubufatanye bw’akarere, no kuganira ku ntego nyamukuru n’ingamba z’ingenzi zijyanye no gukumira no kurwanya ikwirakwizwa ry’intwaro nto n’izoroheje mu buryo bunyuranyije n’amategeko mu karere.
Mu ijambo rye, CG Felix Namuhoranye yagarutse ku kamaro ko gukomeza ubufatanye bw’akarere, gusangira amakuru, guhuza ibikorwa no guha umurongo amategeko mu rwego rwo guhangana n’ibibazo by’umutekano bigenda bivuka, birimo ikwirakwizwa ry’intwaro rikoreshejwe ikoranabuhanga, ikorwa ry’intwaro, intwaro zikozwe mu buryo koranabuhanga buhanitse, ndetse n’ikoreshwa ryazo binyuranyije n’amategeko
