Umuhanzi akaba n’umuhanga mu gutunganya indirimbo mu buryo bw’amajwi Element Eleeeh yashyize hanze indirimbo ye nshya ‘ Ayayaah’ , yakoranye n’abahanzi bakomeye bo mu karere ka Afurika y’Iburasirazuba Joshua Baraka wo muri Uganda na Bien Aime wo muri Kenya.
Iyi ndirimbo yagiye hanze mu buryo bw’amajwi ku mugoroba wo ku wa Gatatu, tariki ya 22 Mata 2026 ikaba iri kuri konti ya Youtube ya Element Eleeeh afatanyije na Joshua Baraka ndetse na Bien Aime. Ukaba kandi wayibona ku zindi mbuga zicururizwaho umuziki zirimo Spotify ndetse na AudioMack.
Aba bahanzi uko ari batatu, ni bo biyandikiye amagambo yabo muri iyi ndirimbo, ni mu gihe amajwi yayo yatunganyijwe na Element, akanonosorwa ‘Mastering’ na Bob Pro.
Amagambo ari mu ndirimbo Ayayaah ari mu ndimi enye ; Ikinyarwanda, Icyongereza, Igiswahili ndetse n’Ikigande. Iyi ndirimbo nshya ya Element ije ibanziriza izindi ari kwitegura gusohora mbere y’uko ashyira hanze album ye ya mbere mu minsi ya vuba.
Iyumvire indirimbo ‘ Ayayaah’ Element yakoranye na Joshua Baraka na Bien Aime
