Umuhanzikazi France Mpundu n’umukunzi we Moctar bakomeje kugirira ibihe byiza muri Zanzibar aho bamaze iminsi mu biruhuko ndetse no gutembera iki kirwa.
Aba bombi bageze muri Zanzibar ku wa Gatanu, tariki ya 10 Mata 2026 ndetse mu mashusho Moctar yasangije abamukurikira yerekanye ko bakiriwe neza muri Zanzibar bakaba bishimiye ibihe bari kuhagirira.
Ku gicamunsi cyo ku wa Kane, tariki ya 2 Mata 2026, ni bwo Moctar yageze i Kigali maze ijoro ryo kuri uwo munsi arimarana n’umukunzi we France Mpundu nk’uko aba bombi basangije ayo mashusho ababakurikira ku mbuga nkoranyambaga zabo.
Moctar na France Mpundu bamenyaniye muri Afurika y’Epfo mu 2025, ubwo bari mu irushanwa rinyuze mu Kiganiro cya “Secret Story”.
Umubano wabo warakuze maze mu ijoro rya tariki 15 Ugushyingo 2025, imbonankubone kuri Televiziyo, Moctar yambika impeta y’urukundo France Mpundu, amusaba kumubera umugore undi na we abyemera atazuyaje.
Ni inshuro ya kabiri Moctar aje i Kigali, aba bombi bakaba baherukanaga muri Gashyantare 2026, ubwo bajyanaga muri Sénégal gusangira umunsi wahariwe abakundana wa ‘Saint Valentin’.
France Mpundu na Moctar bakomeje kuryoherwa n’ubuzima muri Zanzibar
Moctar na France Mpundu bakiranywe urugwiro muri Zanzibar
