Ikibuga cy’indege mpuzamahanga cya Goma kiri gutunganywa n’abashinzwe isuku n’inzobere mu gutegura ibisasu,bigaragaza ko cyaba cyiri munzira zo kongera kwakira indege.
Ni igikorwa kiyobowe n’abakozi n’umuryango w’abibumbye bari mu butumwa bw’amahoro muri RDC, hamwe n’abasirikare ba Bangladesh, ari nabo barinda umutekano w’abashinzwe gutunganya iki kibuga cy’indege.
Bivugwa ko abashinzwe gusukura iki kibuga basabwe kubikora nta bwoba, ariko basabwa kumenyesha bwangu inzobere mu gutegura ibisasu bakorera mu muryango Afrilam ifite icyicaro mu mujyi wa Kisangani.
Biteganyijwe ko buri gitondo mbere yuko imirimo itangira, abashizwe gutunganya ikibuga bazajya bahabwa amabwiriza ajyanye n’igice bagiye gukoreramo, mu kubungabunga umutekano wabo.
Kuri iki kibuga cy’indege mpuzamahanga cya Goma, hashyizwe Ambulance izajya yifashishwa mu gihe hari umukozi wagira ikibazo cy’ubuzima. Abakozi ba Loni bashaka ko byose bikorwa hubahirizwa n’amabwiriza mpuzamahanga y’umutekano.
Mu mpera z’ukwezi kwa mbere uyu mwaka, ni bwo iki kibuga cy’indege cya Goma cyafunzwe, mbere yuko abarwanyi ba AFC/M23 bafata umujyi wa Goma.
Umuryango mpuzamahanga ugaragaza ko kugira imirimo y’ubutabazi igende neza mu burasizuba bw’iki gihugu gikwiye gufungurwa, ariko AFC/M23 yagaragaje kenshi ko umutekano wacyo utizewe kuko ingabo za Congo itinya ko zagitezemo ibisasu.
